عـرس عـربجي على عربجيه (دحـيـمـ & حصيصه ) هههه

عرس عربجي على عربجيه (دحيم و حصيصه)
بقول لكم وش صار في ليلة عرس
دحيم

المواصفات
الاسم / دحيم الدلخ
العمر / منولد في سنة الطفره
الشكل / قزم ودب واقرع و وجهه كله خدود وحفريااات
ومافيه عيون
باختصار يحوم التسبد
الولد دحيم داشر 24 ساعه مشاكل وتفحيط وخرابيط و هجوله
المهم ابوه قرر انه يزوجه يمكن يعقل الولد !!!! ويقوم يخطب له ابوه بنت عمه حصه !!!

عاد حصه خبله مثله

المهم يوم جاء العرس ولا دحيم طالع مع اخوياه للثمامه يطعسون
وابوه يدق عليه

الاب: الووو دحيم وينك؟ دحيم : هلا والله طالع مع الشباب للثمامه
!!! الاب: جعل تطلع روحك يلا تعال اليوم عرسك
دحيم : طيب العرس في اليل يمديني ارجع المغرب
الاب: اقول امش ولا يكثر جعل بطنك يمشي
دحيم : طيب خلاص جاي

ويقفل التلفون

المهم ويجي دحيم ويلبسونه
الخبل ناوي يروح بقميص نوم وطاقيه
المهم ويمسكونه اخوانه ويلبسونه ويودونه للقصر [/color[color=#556b2f]]<<<===دحيم الا الحين ما يدري وش السالفه يبي يخلص بسرعه عشان يلحق على
العيال في الاستراحه يلعب بلوت
ويدخلون القصر ويجلسونه في المنصه وهو يقول ابي اروح اجلس عند القهوجي ابي
اتكي معهم واشرب شاهي ( والله منسم مررره)

ويلقطه اخوه ويجلسه على الكرسي

ويجونه الناس يسلمون
المعازيم : مبرووك منك المال ومنها العيال
دحيم : هلا ايه طيب يصير خير .. والله ماعندي ولا رياال

<<== قايلة لكمـ مهب وجـه زوااج
المهم ويدخلونه على الحريم
يوم دخل (وهو الي يفتح كشرته ( ابتسامه عريضه)
ويناظر في ذا البنيات

المهم يوم طقو الطقاقات الا وهو يطمر ويرقص

ويسحبه ابوه ويقول اركد لا تفشلنا!!!!
المهم ويجلسه على الكرسي
وتجي وحده ترقص عنده وهو الي يضحك عليها

ويقول : اوووهـ ما تعرفين ترقصين يالدوووبــهوانواع الاستهبال



المشكله الي ترقص امه مسيكينه تبي تفرح به ما درت انه ما يستاهل
المهم ويقومون البنيات يرقصون عنده وهو يناظر يقول صح ذا الرقص مهوب رقص
العيال في الاستراحه امحق رقصصص ؟

الا وابوه يصفقه على جبهته
دحيم : طيب خلاص بانطم المهم يوم خلصوا وهو ياخذ العروس ويركبون السياره
المهم ما درا الا تقوم حصيصه وتقول ما بغينا نطلع
اقول ما عندك شريط كسراات (شعبي) بشير شنان يعني؟
ملينا من ذا الطقاقات ازعجوني
الا وهو ينبسط على حرمته خبله مثله
المهم وتقول له حصيصه : دحيم ابسالك سؤال؟
دحيم: اسالي
حصيصه : انت الحين تعرف تفحط ؟؟؟

دحيم : اكيد انا احسن واحد يفحط
( مسوي فنان عندها وهو ما عنده ما عند جدتي )

حصيصه : والله ورني ابي اشوفك تفحط

<<== انقلب وجه دحيـمـ وتوهق
دحيم : خليها بعدين موب اليوم
<<= يصرف
حصيصه : افا شكلك ما تعرف هههههههههههاي
دحيم : اوريك من الي ما يعرف
وهو الي يلف هذيك اللفه
وطراااااخ في الماصوره على طول
والحين حصيصه ودحيم في الشميسي الدور الاول غرفه 123
قسم الكسور

الزياره من 9 الى 12 ظهرا و 5 الى 9 مساء
ان شاء الله تهنيتوا بالعرس ؟ هههههههههههههههههههه